फाल्गुन पौर्णिमेस साजरी होणारी होळी, तिला हुताशनी पौर्णिमा, शिमगा असे ही म्हणतात. अपप्रवृत्तीचा नाश करून त्यावर विजय मिळवल्याचा हा उत्सव म्हणजे होलीकोत्सव.फाल्गुन महिन्यात पौर्णिमेला येणारा सण म्हणजे ‘होळी.’ देशभरात विविध ठिकाणी हा सण साजरा करण्याची परंपरा, पद्धत वेगळी असली, तरी उत्साह मात्र शिगेला पोहोचलेला असतो. पहिल्या दिवशी होलिका दहन होते. तर दुसऱ्या दिवशी असते धुळवड, ज्याला आपण रंगपंचमी म्हणतो.