अविवाहित मुली, कौटुंबिक कलहग्रस्त यांनी अनघा देवीची अर्चना (पूजा) कुंकुमाने केल्यास व्रताचा विशेष प्रत्यक्ष प्रभाव मिळतो. अघ म्हणजे पाप अनघ म्हणजे पापहीन. मन, वाचा आणि कर्माद्वारे आपण प्रत्येक क्षणी अनेक पापे करतो. म्हणूनच हे व्रत सर्व करू शकतात. या व्रतासाठी मुख्य दिवस हा मार्गशीर्ष कृष्ण अष्टमी आहे. सामान्यत: प्रत्येक महिन्यातील कृष्ण अष्टमीला हे व्रत करावे. काही लोक शुक्ल अष्टमीलाही हे व्रत करू शकतात. या पापांमध्ये झालेली वाढ आपल्यासमोर विविध अडचणींच्या रुपात येते. अशा पापांना जगाचे जनक जननी अनघ दंपति दूर करतात.