सत्यनारायण, सत्यविनायकाप्रमाणेच शीघ्र फळ मिळण्यासाठी प्रसिद्ध असणारे हे देवीचे व्रत आहे. सर्व सृष्टीची निर्मिती जिच्यापासून झाली अशी जगन्माता असणा-या महाकाली, महालक्ष्मी व महासरस्वती स्वरुप देवीची ही पूजा आहे. ह्या व्रताचा महिमा साक्षात देवी भागवत व भविष्योत्तर पुराण ह्या पुराणांमध्ये वर्णिलेला आहे. ह्या व्रताच्या प्रभावानेच स्वतः भगवान शंकर संकटापासून मुक्त झाले व त्यांचा पुत्र कार्तिकस्वामी ह्यास असुरांशी झालेल्या युद्धात विजय प्राप्त झाला असा इतिहास प्रसिद्ध आहे.